助眠、播歌一take过Divoom TimeBox

物流话题 2020-06-19 169

现代人夜晚临瞓笃手机，畀啲蓝光影响睡眠质素同大脑休息，到天光闹钟响又唔醒，陷入恶性循环。Divoom最近推出咗一个的骰蓝牙喇叭TimeBox，121盏LED灯砌到图案够好玩之余，同时特设睡眠协助同闹钟系统，娱乐性同实用性兼备。

TimeBox生得四四方方，正面係由121盏LED灯组成嘅11 x 11屏幕，可显示时间、图案同动画；背面係3吋全频DSP喇叭及被动式单元一个，经蓝牙4.0连接。作为喇叭，佢嘅最长播放时间有6个钟，但其他附加功能至係精髓所在。内置FM收音机、智能响闹同睡眠辅助系统，透过顶部频道转换、重新整理掣等，用家晨早收听电台节目，甚以直接将佢设为闹钟，屏幕亦会播放动画试图「闪」醒用家，亮度同声量随时间增强。而睡眠辅助系统就会藉住发出经过特别计算、有助人脑分泌助眠「褪黑素」嘅红/橙光，同时预载多条幽静配乐，促进用家尽快入眠。

◆ Divoom TimeBox 助眠、播歌一take过Divoom TimeBox

◆ 正面係LED像素屏幕助眠、播歌一take过Divoom TimeBox

◆ 背面係3吋喇叭加microUSB、3.5mm插口位助眠、播歌一take过Divoom TimeBox

◆ 频道整理、转台、音量控制同贪睡(Snooze)掣等都喺顶助眠、播歌一take过Divoom TimeBox

◆ 屏幕亦可显示时间，用手机程式可以调色助眠、播歌一take过Divoom TimeBox

◆ 内置4只小游戏

◆ 跟机送3.5mm同microUSB充电线

配合专用手机程式设定，TimeBox更容许用家发挥创意，自己设计11x11 LED图案，以至将8-bit图像转换为动画。另外佢能够同Facebook、WhatsApp等其他程式互动，发出讯息，想留个语音短讯畀屋企人亦得。由于笔者冇可能开天化日喺office瞓觉，助眠效果有几好就唔知喇，不过应该好过播啲闷到痺又无效嘅white noise。喇叭音质以价钱嚟讲算合格，冇烂仲超级大声，实嘈得醒全屋人，自订图案功能又趣味十足，买嚟一机多用几抵玩。